கல்வி விஷயத்தில், ”காசு, துட்டு, மணி, மணி…” என்ற பாடலை இடைவிடாது பாடிக் கொண்டிருக்கும் பாஜக அரசால் இன்று நாடெங்கும் கொந்தளிப்பு ஏற்பட்டுள்ளது. நீட் தேர்வு, கியூட் தேர்வு, சிபிஎஸ்இ விடைத்தாள் மதிப்பீட்டு முறை, டெட் தேர்வு கட்டாயம் என்பதன் பின்னணியில் உள்ள வணிக ஆதாயங்கள் ஒரு பார்வை; கல்வியை கடைச்சரக்காக்கியதே இன்றைய பிரச்சினைகளிலேயே பிரதானமானதாகும்! பொருளாதார ஏற்றத் தாழ்வுகளைக் கடந்து அனைவருக்குமானதாக கல்வியை உறுதிபடுத்த வேண்டியதே அரசாங்கத்தின் கடமையாக – லட்சியமாக – இருக்க வேண்டும். ஆனால், ‘கல்வியை ஒரு லாபகரமான வியாபார ...