‘நறுமணப் பொருட்களின் ராஜா…’ எனும் கம்பீரமான பெயருக்குச் சொந்தக்காரர் நம் மிளகு! மிளகின் வியாபாரத்தை வைத்து மட்டும் வரலாறு அப்பெயரைக் கொடுத்துவிடவில்லை! மிளகுக்காக நடைபெற்ற போர்கள் ஏராளம்… நடந்த குடுமிப்பிடி சண்டைகள் எக்கச்சக்கம்… நடைபெற்ற வணிகப் பரிமாற்றங்களோ கணக்கிலடங்கா! மிளகின் அருமைப் பெருமைகளைத் தெரிந்துகொண்டால் ‘ராஜா’ எனும் பெயர் மிளகுக்கு எவ்வளவு பொருத்தமானது என்பது தெரிய வரும். கருப்பு தங்கம்: ‘கருப்பு தங்கம்’ எனும் பெயர் வணிகச் சந்தையில் மிளகின் ஆதிக்கத்தை நிலை நிறுத்தும். அக்காலத்தில் ஜொலிக்கும் தங்கத்தை விட, நெடியும் மணமும் மிகுந்திருக்கும் ...