அப்பழுக்கற்ற நேர்மையான சி.பி.ஐ அதிகாரி ரகோத்தமன் மறைந்துவிட்டார்! பெரும்பாலான காவல் துறை மற்றும் புலனாய்வு துறையினருக்கென்றே இயல்பாக இருக்கும் கள்ளம், கபடம், சூது என எதுவமற்ற ஒரு வெள்ளந்தி மனிதர் அவர்! அவரைப் போன்றவர்கள் அபூர்வத்திலும், அபூர்வம்.! எதையும் நேர்பட பார்க்கும் குணம், மனதில் எதையும் மறைத்து வைத்துக் கொள்ள முடியாத மனோபாவம், சமரசமற்ற போக்குகள், உண்மை என்று உணர்ந்ததை யாருக்கும் அஞ்சாமல் மட்டுமல்ல, அதனால் தனக்கே கூட பாதிப்பு வரும் என்றாலும் கூட வெளிப்படுத்திவிடக் கூடியவர். இந்த குணங்கள் போதாதா..? அவர் என் ...