ஊழல் செய்வதற்காகவே போடப்பட்ட சாலை திட்டங்கள்! அதற்கு ஒத்துழைத்த அதிகாரிகள்! அதற்கான ஒப்பந்தக்காரர்கள்..என இயங்கியதே நெடுஞ்சாலைத் துறை! அப்போது நடந்த ஊழல்களை கண்டுபிடிக்க போவதாக தற்போது நடந்து கொண்டிருப்பது கண் துடைப்பா..? உண்மையா…? ஊழல் பெருச்சாலிகள் தண்டிக்கப்படுவார்களா…? கடந்த 10 ஆண்டுகளாக  தமிழக நெடுஞ்சாலைத்துறையில்  பகற்கொள்ளை நடத்திக் கொண்டிருந்தார் எடப்பாடி பழனிசாமி. இந்த காலக்கட்டத்தில் ஏறக்குறைய ஒரு லட்சம் கோடி ரூபாய் சாலைகளுக்கும் பாலங்களுக்கும் என செலவிடப்பட்டது. நெடுஞ்சாலைத்துறை பணிகளில் நாளொரு மேனியும் பொழுதொரு வண்ணமாக முறைகேடுகள் நடந்ததை ஊடகங்கள் வெளிச்சத்திற்குக் கொண்டு வந்தன. ...