எந்த காலகட்டத்திலும் நடந்திராத வகையில் ஒரு கவர்னர் நியமனம் பெரும் விவாதப் பொருளாகியுள்ளது. தமிழக கவர்னராக ரவீந்திர நாராயண ரவி (ஆர்.என்.ரவி) நியமிக்கப்படுகிறார் என்ற அறிவிப்பு வந்தவுடன் இ.பி.எஸ், ஒ.பி.எஸ், மருத்துவர் ராமதாஸ் ஆகியோர் தொடையைத் தட்டிக் கொண்டு, கும்பிடு போட்டு வரவுள்ள கவர்னரை வரவேற்று அறிக்கை வெளியிட்டனர்! ”இது என்னடா வம்பா போச்சே முதல்வராக இருக்கும் தான் வரவேற்பு அறிக்கை வெளியிடாவிட்டால் வேறுவிதமாக புரிந்து கொள்ளப்படுமே..”என ஸ்டாலினும் வரவேற்பு அறிக்கை தந்துவிட்டார். ஆனால், காங்கிரஸ் தரப்பு சுதாரித்துக் கொண்டது. அது தேசிய கட்சியல்லவா..? ...